Mae disgwyl eira a glaw ar fryniau Cymru a rhew ar draws rhannau helaeth o’r wlad yn ystod y dydd heddiw (dydd Mawrth, Ionawr 26).
Mae’r Swyddfa Dywydd wedi cyhoeddi rhybuddion melyn am yr eira a’r rhew.
Mae rhybudd i deithwyr fod yn ofalus oherwydd y rhew ar ffyrdd sydd heb eu trin ac ar balmentydd.
Yn ôl y Swyddfa Dywydd, mae gwledydd Prydain wedi gweld y cyfanswm mwyaf o eira ers Ionawr 2019 dros y dyddiau diwethaf.
Ond mae disgwyl iddi fod yn fwy mwyn, yn wlypach ac yn fwy gwyntog weddill yr wythnos.
