Mae teyrngedau wedi’u rhoi i Dr Aled Lloyd Davies, sydd wedi marw’n 90 oed, ddyddiau’n unig cyn ei ben-blwydd.
Roedd y cerddor, beirniad ac arbenigwr cerdd dant o’r Brithdir yn aelod blaenllaw o amryw bwyllgorau’r Eisteddfod Genedlaethol ac yn arweinydd Meibion Menlli, un o bartïon cerdd dant mwyaf blaenllaw Cymru.
Graddiodd mewn Daearyddiaeth ym Mhrifysgol Aberystwyth cyn gweithio fel athro ym Mhenbedw ac yna yn Ysgol Maes Garmon yn yr Wyddgrug, lle daeth yn brifathro yn y pen draw.
Roedd ganddo MA a PhD am ymchwilio i hanes cerdd dant.
Newyddion trist am farwolaeth y Dr. Aled Lloyd Davies. Diolch i’w weledigaeth ef, sefydlwyd Cymdeithas Eisteddfodau Cymru dros ugain mlynedd yn ôl. Dyn arbennig ac ysbrydoledig a wnaeth gyfraniad amhrisiadwy i ddiwylliant Cymru. Anfonwn ein cydymdeimlad dwysaf at y teulu oll.
— CymdeithasSteddfodau (@steddfota16) January 24, 2021
Cydymdeimlwn fel Llyfrgell Genedlaethol â theulu’r Dr Aled Lloyd Davies, gŵr caredig ac amryddawn a gyfoethogodd ein bywyd diwylliannol mewn sawl maes yn ystod ei fywyd a’i yrfa nodedig. Bydd bwlch mawr ar ei ôl. pic.twitter.com/ruhDCgJItW
— Pedr ap Llwyd (@yrynadllwyd) January 24, 2021
Trist iawn yw clywed am farwolaeth ein cyn Bennaeth, Mr Aled Lloyd Davies. Roedd yn arweinydd arbennig, yn gerddor dawnus, a ffrind ffyddlon yr ysgol. Colled aruthrol i deulu Maes Garmon, ein cymuned a Chymru gyfan. Diolch am bob dim Mr Davies
— Ysgol Maes Garmon (@MaesGarmon) January 24, 2021
Roedd Aled Lloyd Davies yn un o ‘hoelion wyth’ yr Eisteddfod – a’r Pethe’n gyffredinol. Nid yno i gefnogi am yr wythnos oedd Aled – roedd bob amser ar gael am bwt o gyngor neu air cefnogol. Anfonwn ein cydymdeimlad dwysaf at Beryl a’r teulu heddiw. Colled drom i Gymru gyfan pic.twitter.com/ugfRUV7Bnw
— eisteddfod (@eisteddfod) January 24, 2021
Trist iawn clywed am farwolaeth y Dr Aled Lloyd Davies. Roedd yn athro daearyddiaeth gwych, yn brifathro a gweledigaeth ac egni, ac yn gyfrannwr sylweddol i'r gymdeithas yma yn Yr Wyddgrug ac yn genedlaethol. Cydymdeimlwn a'i deulu yn eu hiraeth.
— Alun Roberts (@HuwAlunR) January 24, 2021
Aled Lloyd Davies wedi’n gadael ni. Meddwl y byd o’r dyn. Un o’r bobl arbennig hynny oedd yn gallu gneud bob dim, yn ysbrydoli ac mor annwyl hefyd. Ac o’r Brithdir. pic.twitter.com/klySzSxLQ7
— Bethan Gwanas??????? (@BethanGwanas) January 24, 2021
