Bydd profion torfol ar gyfer y coronafeirws yn dechrau yng Nghwm Cynon o heddiw (dydd Sadwrn, Rhagfyr 5).
Dyma’r ail ardal yng Nghymru i gynnal profion torfol, gyda phrofion ar y gweill ym Merthyr Tudful tan Ragfyr 11
Bydd pobol yn gymwys os ydyn nhw’n byw yng Nghwm Cynon isaf, sy’n cwmpasu Aberaman, Abercynon, Aberpennar a Phenrhiwceiber.
Bydd canolfannau profi ar agor tan Ragfyr 20, a bydd modd derbyn canlyniadau o fewn hanner awr.
Canolfan fowlio dan do Cwm Cynon yn Aberpennar a Chanolfan Chwaraeon Abercynon fydd y ddwy brif ganolfan.
Os yw pobol yn cael profion positif, bydd gofyn iddyn nhw fynd adref i hunanynysu ar unwaith.
