Mae’r Swyddfa Dywydd a Chyfoeth Naturiol Cymru’n rhybuddio am beryglon Storm Aiden a Chorwynt Zeta yng Nghymru heddiw (dydd Sul, Tachwedd 1).
Mae disgwyl i’r glaw trwm barhau yng Nghymru, ac mae’r Swyddfa Dywydd yn parhau i rybuddio y gallai llifogydd effeithio ar gartrefi a busnesau, gan achosi difrod i adeiladau mewn sawl ardal.
Maen nhw’n dweud y gallai lefelau uchel afonydd beryglu bywydau, tra bod disgwyl oedi hefyd ar drafnidiaeth gyhoeddus.
Maen nhw hefyd yn rhybuddio am amodau gyrru gwael a chau ffyrdd mewn rhai llefydd, yn ogystal â cholli cyflenwadau trydan.
Llifogydd
Mae Cyfoeth Naturiol Cymru wedi cyhoeddi 36 o rybuddion am lifogydd.
Mae’r rhybudd coch yn ei le yn Nyffryn Dyfrdwy Isaf o Langollen i ddolau Trefalyn.
Rhybuddion oren “byddwch yn barod” yw’r gweddill, ac mae’r rheiny yn eu lle yn yr ardaloedd canlynol:
- Arfordir Ceredigion rhwng Clarach ac Aberteifi
- Arfordir Sir Gaerfyrddin
- Arfordir Llyn a Bae Ceredigion
- Arfordir Gorllewin Môn
- De Sir Benfro
- Ceredigion Ganol
- Ewenni a gorllewin Bro Morgannwg
- Afan a Chynffig
- Penrhyn Gŵyr
- Gwy ym Mhowys
- Dyffryn Dyfrdwy Uchaf o Lanuwchllyn i Langollen, gan gynnwys Corwen
- Cleddau Ddu
- Taf a Chynin
- Cleddau Wen
- Dalgylch Gogledd Gwynedd
- Llynfi ac Ogwr
- Nedd
- Nant-y-fendrod a Nant Brân
- Tawe Isaf
- Tawe Uchaf
- Afonydd Llanelli
- Llwchwr ac Aman
- Gwendraeth Fawr
- Gwendraeth Fach
- Teifi Uchaf
- Teifi Isaf
- Brân Gwydderig
- Cothi
- Tywi Isaf
- Tywi Uchaf
- Dolgellau
- Dalgylch Dysynni
- Dalgylch Dyfi
- Dalgylch Mawddach ac Wnion
- Dalgylch Conwy
- Dalgylchoedd Glaslyn a Dwyryd
