Mae oddeutu 30 o bobol wedi cael eu symud o barc carafanau yn dilyn llifogydd yn ardal Wiseman’s Bridge ger Arberth.
Cafodd y gwasanaethau brys eu galw am 9.13yb, ac fe aeth criwiau o Ddinbych y Pysgod ac Arberth i’r safle.
Bu’n rhaid symud 12 o garafanau oddi ar y safle.
Cafodd un dyn driniaeth gan ddiffoddwyr tân cyn iddo gael ei drosglwyddo i ofal y Gwasanaeth Ambiwlans.
Roedd y gwasanaeth tân ar y safle am rai oriau.
