Mae’r sïon yn tewhau, yn sgil cyhoeddiad diweddar gan Gastell Gwrych, mai yng ngogledd Cymru y bydd y gyfres nesaf o I’m A Celebrity… Get Me Out Of Here! yn cael ei ffilmio.
Mae’r gyfres deledu boblogaidd ar ITV wedi’i lleoli yn Awstralia fel arfer, ac mae’n gorfodi selebs i wynebu heriau lliwgar – o ymbalfalu trwy lysnafedd i fwyta pryfed.
Ond yn sgil yr argyfwng Covid-19, mae’r tîm cynhyrchu wedi cyhoeddi y bydd yn cael ei chynnal yn y Deyrnas Unedig eleni, ac mae cryn ddyfalu mai yn y castell yn Abergele fydd ei chartref newydd.
Mae datganiad ar dudalen Twitter y castell yn nodi y bydd yn “cau dros dro i’r cyhoedd” o Awst 23 hyd at y flwyddyn newydd.
“Cadwch lygad ar ein gwefan a chyfryngau cymdeithasol ar gyfer rhagor o ddiweddariadau,” meddai’r datganiad.
Y datganiad
Gwrych Castle and Estate will be temporarily closing to the public at 5pm on Sunday 23rd August until New Year. Keep checking our website and social media for updates ??????????????? pic.twitter.com/pDih7FWFPJ
— Gwrych Castle (@GwrychTrust) August 20, 2020
Wnaeth 10 miliwn o bobol wylio pennod olaf y gyfres ddiwethaf.
