Maria Preda
Mae heddlu yng Nghasnewydd yn chwilio am ferch 12 oed sydd wedi bod ar goll ers pnawn ddoe.
Fe ddiflannodd Maria Preda o’i chartref yn Ffordd Cas-gwent yng Nghasnewydd am tau 5:00 yr hwyr ac mae’r heddlu’n pryderu am ei lles gan ei bod mor ifanc.
Mae’n cael ei disgrifio fel merch pum troedfedd a thair modfedd o daldra sydd â gwallt hir tywyll. Roedd yn gwisgo siaced goch tywyll pan gafodd ei gweld diwetha’.
Mae siawns ei bod yn ardal Pillgwenlli yn ôl yr heddlu.
Gofynnir i unrhyw un sydd wedi’i gweld neu sydd â gwybodaeth amdani i gysylltu â’r heddlu ar 101.
