Royston Jones
Mae dyn 39 oed wedi ei gael yn euog o geisio llofruddio’i wraig mewn ysbyty.
Clywodd Llys y Goron Casnewydd fod Royston Jones wedi ymosod ar ei wraig, Claire Jones oedd yn gweithio yn uned gofal dwys Ysbyty Nevill Hall yn Y Fenni.
Fe aeth Claire Jones yn anymwybodol ar ol i Royston Jones geisio ei thagu.
Clywodd y llys y gallai hi fod wedi marw oni bai bod ei chydweithwyr wedi ymyrryd.
Roedd y cwpwl wedi gwahanu cyn yr ymosodiad a chlywodd y llys fod Royston Jones o’r farn fod ei wraig yn cael perthynas â dyn arall.
Cafodd ei gadw yn y ddalfa, ac fe fydd yn cael ei ddedfrydu ar 20 Chwefror.
