Mae rhan o draffordd yr M4 ynghau ger Caerdydd, wedi damwain ffordd ddifrifol toc cyn cinio heddiw.
Fe gafodd y gwasanaethau brys eu galw i’r digwyddiad rhwng cyffyrdd 33 a 34 am 11.50yb.
Yn y cyfamser, mae gyrwyr yn cael eu hannog i osgoi’r ardal, ac mae’r rhan hon o’r draffordd wedi’i chau i’r ddau gyfeiriad.
Roedd dau fws yn rhan o’r ddamwain, ac fe gafodd yr ambiwlans awyr ei defnyddio i gludo un teithiwr i’r ysbyty. Erbynh diwedd y pnawn, mae 28 o deithwyr eraill hefyd wedi’u cludo i’r ysbyty.