Disgwyl tywydd gaeafol ar y ffyrdd
Fe allai tywydd gaeafol amharu ar un o’r diwrnodiau prysura’ ar y ffyrdd yn ystod y gwyliau.
Yn ôl y swyddfa dywydd, mae disgwyl gwynt ac eirlaw – a hyd yn oed eira mewn rhai mannau – yn ystod y prynhawn yfory a thrwodd i’r penwythnos.
Fel rheol, Dydd Gŵyl San Steffan yw un o’r dyddiau prysur ar y ffyrdd pan fydd pobol yn ymweld â theulu neu’n teithio’n ôl gartre’ ar ôl treulio’r Nadolig i ffwrdd.
Fe fydd dydd Nadolig ei hun yn braf ond mae disgwyl y tywydd oer a garw o tua prynhawn fory ymlaen.
Fe roddodd y Swyddfa Dywydd rybudd i bobol fod yn ofalus a chadw llygad ar y rhagolygon, yn enwedig os ydyn nhw’n teithio.
Ac mae disgwyl i rannau o Loegr ddiodde’ mwy na Chymru gyda thebygrwydd mawr o eira yn y Gogledd.
