Tafarn y Blossoms yng Nghaergybi
Fe fydd dyn 24 oed yn mynd gerbron llys y bore ma ar gyhuddiad o lofruddio dyn mewn tafarn yng Nghaergybi.
Cafodd Peter Morrison Garrod ei gyhuddo neithiwr o lofruddio David Jones, 46 oed, landlord tafarn y Blossoms, yng Nghaergybi ddydd Gwener.
Cafodd ei gadw yn y ddalfa a bydd yn mynd gerbron Llys Ynadon Caernarfon ddydd Llun.
Mae teulu David Jones wedi rhoi teyrnged iddo gan ddweud ei fod yn “bartner, cyfaill, tad, brawd, ewythr, a’n ffrind gorau.”
Mae Heddlu’r Gogledd yn parhau i apelio am wybodaeth ac yn annog pobl i ffonio 101 neu Taclo’r Taclau yn ddienw ar 0800 555111.
