Ambiwlans awyr
Cafodd tri pherson eu cludo i’r ysbyty yn dilyn damwain ffordd ym Mhowys y bore ma.
Cadarnhaodd Heddlu Dyfed Powys bod y ddamwain wedi digwydd ar yr A470 rhwng y groesfan rheilffordd ger Caersws a Llandinam.
Digwyddodd y gwrthdrawiad rhwng dau gerbyd – Vauxhall Astra a Volkswagen Passat – ychydig cyn 07:50 o’r gloch.
Cafodd un person ei gludo mewn hofrennydd i Ysbyty Stoke a dau arall mewn ambiwlans i Ysbyty Bronglais yn Aberystwyth.
Roedd y ffordd ynghau ond mae hi bellach wedi ail agor yn ôl yr heddlu.
Mae Heddlu Dyfed-Powys yn apelio am dystion i’r gwrthdrawiad, ac yn gofyn i unrhywun â gwybodaeth i gysylltu â PC 654 McLellan drwy ffonio 101.
