Liam Anderson
Mae’r heddlu’n chwilio am fachgen 13 oed o ardal Caergybi ar Ynys Môn sydd ar goll.
Nid yw Liam Anderson wedi cael ei weld ers 11:00 fore Mercher, 19 Tachwedd.
Mae’n cael ei ddisgrifio gan yr heddlu fel bachgen 5’4 o daldra, gyda gwallt brown byr a brychni.
Dywedodd y Rhingyll Rhys Gough, sy’n arwain yr ymgyrch i ddod o hyd iddo: “Rwy’n apelio ar unrhyw un sydd wedi gweld Liam, neu sy’n gwybod lle mae o, i gysylltu â’r heddlu.
“Nid yw ei deulu wedi clywed ganddo ers bore ddoe ac rydym yn pryderu am ei les.”
Mae gan Liam Anderson deulu ym Mhenbedw ac mae’r heddlu hefyd yn chwilio yn yr ardal hon.
Gofynnir i unrhyw un sydd â gwybodaeth amdano i gysylltu â Heddlu Gogledd Cymru 101 neu Taclo’r Tacle ar 0800 555 111.
