Mae Heddlu’r De yn ymchwilio i ddiflaniad dyn a’i gi o’u cartref yn Abertawe.
Maen nhw’n apelio am wybodaeth am David Joseph Fitzgerald, 67, wedi i gymydog fynegi pryder nad oedd y dyn wedi cael ei weld ers tair wythnos.
Mae ganddo fe gi Jack Russell o’r enw Paddy, sydd hefyd ar goll.
Dywed yr heddlu fod David Fitzgerald yn siarad ag acen Wyddelig, ei fod yn gwisgo het hufen, ei fod yn chwe throedfedd a’i fod yn defnyddio trafnidiaeth gyhoeddus yn gyson.
Dylai unrhyw un â gwybodaeth ffonio’r heddlu ar 101.
