Chwilio am ddau sy’n cael eu hamau o geisio llofruddio

Mae’r heddlu yn ceisio dod o hyd i ddau ddyn sy’n cael eu hamau o geisio llofruddio dyn 46 oed yn Abertawe.

Ar 28 Awst yn Sgeti, cafodd y dyn 46 ei anafu yn ddifrifol a’i gludo i Ysbyty Treforys.

Mae’r heddlu yn chwilio am Louis Paul Gantley, 29, a Jason John McLoughlin, 43, y ddau yn dod o ardal Knowsley yng Nglannau Merswy, ar amheuaeth o geisio llofruddio.

Eisoes, mae Charlotte Sarah Louise Williams, 26 wedi cael ei harestio yng Nglannau Merswy a’i chyhuddo o gynorthwyo troseddwr.

“Rydym angen cymorth yr heddlu i ddod o hyd i’r unigolion hyn,” meddai’r Ditectif David Welham o Heddlu Abertawe.

“Os yw rhywun yn gwybod ble maen nhw, rwy’n eu hannog i gysylltu â’r heddlu ar 101.”