Mae’r heddlu yn apelio am wybodaeth wedi i ddyn 19 mlwydd oed farw mewn damwain ffordd yn Ynys Môn yn oriau mân bore dydd Sul.
Bu farw Ben Calveley wedi i’w feic modur wrthdaro â pick-up Nissan Navara ar y B5105 rhwng Llynfaes a Bodffordd ger Llangefni am 1:00 bore dydd Sul.
Ni chafodd unrhyw un yn y fan eu hanafu.
Mae Heddlu Gogledd Cymru nawr yn apelio am lygad-dystion i’r ddamwain, neu unrhyw un a welodd y beic modur cyn y gwrthdrawiad, i gysylltu â nhw ar 101, gan ddyfynnu rhif cyfeirnod R149305.
