Oliver ac Amelia yw’r enwau mwyaf poblogaidd i fabis Cymru

Mae Oliver bellach ar frig y rhestr o enwau mwyaf poblogaidd i fechgyn Cymru a roddwyd yn 2013, gydag Amelia’n dal ei gafael ar y safle cyntaf ar restr y merched.

Cipiodd Oliver y safle uchaf oddi ar Jacob, gyda Jack yn drydydd ar y rhestr i fechgyn, ac mae’r tri enw hefyd ymysg y pedwar uchaf o ran enwau babis yn Lloegr.

Yn rhestr enwau’r merched yng Nghymru mae Olivia wedi codi i’r ail safle, tra bod Ava’n cwympo un lle i drydydd.

Daeth y naid fwyaf yn y 100 enw mwya’ poblogaidd ar fachgen gan Arthur, a gododd 58 safle i 69ain, gyda Jaxon, Frankie, Gabriel, Rowan, Owain a Bailey i gyd hefyd ymysg y rhai a neidiodd i’r 100 uchaf.

Roedd Dexter, Corey a Freddie hefyd ymysg yr enwau a gododd yn sylweddol, gyda Callum, Iestyn, Cameron a Caleb yn cwympo fwyaf.

Neidiodd llu o enwau newydd i mewn i restr y 100 uchaf i ferched, gan gynnwys Thea, Macie, Mila, Eve a Darcey.

Gwelwyd cynnydd hefyd ym mhoblogrwydd enwau megis Alys, Matilda, Elsie a Lili, ond doedd Katie, Alexis a Carys ddim mor boblogaidd yn 2013.

Deg enw bachgen mwyaf poblogaidd yng Nghymru 2013

1.Oliver (+1 newid ers 2012)

2.Jacob (-1)

3.Jack (+1)

4.Charlie (+3)

5.Alfie (dim newid)

6.Noah (+10)

7.Harry (-1)

8.Riley (-5)