Mae Heddlu De Cymru yn apelio am wybodaeth wedi i ddynes 36 oed o Gaerdydd farw mewn damwain ar yr A470.
Digwyddodd y ddamwain tua 10:15 bore dydd Sul ar y ffordd ddeuol i’r de rhwng Nantgarw a Ffynnon Taf.
Roedd y ddynes yn gyrru’r car Peugeot 206 coch pan ddigwyddodd y ddamwain.
Cafodd y ddynes ei chludo i Ysbyty Athrofaol Cymru yng Nghaerdydd ond bu farw’n ddiweddarach.
Mae’r heddlu yn apelio am dystion i’r ddamwain i gysylltu â nhw ar 101 neu drwy ffonio Taclo’r Taclau yn ddienw ar 0800 555111.
