Mae cyn-brif warden Parc Cenedlaethol Eryri wedi marw mewn damwain ar y mynydd.
Bu farw John Ellis Roberts ar ôl syrthio 25 troedfedd wrth ddringo yn Ninas Cromlech ger Llanberis ddoe.
Aethpwyd ag ef i Ysbyty Gwynedd mewn hofrennydd ond roedd wedi marw erbyn cyrraedd Bangor.
Roedd yn 70 oed ac wedi gweithio i Barc Cenedlaethol Eryri am 32 o flynyddoedd hyd at 1998.
Yn ystod ei gyfnod gyda’r Parc fe gafodd chwe gwobr am ei ddewrder ac MBE am ei waith.
Roedd John Ellis Roberts yn aelod o Dîm Achub Mynydd Dyffryn Ogwen cyn iddo adael yn y 1970au i sefydlu tîm tebyg yn Llanberis.
Bydd “colled enfawr” ar ei ôl meddai Prif Weithredwr y Parc, Emyr Williams.
