Mae Heddlu De Cymru’n apelio am dystion i ladrad arfog mewn siop bwcis yn Grangetown, Caerdydd, bore ddoe.
Fe aeth dyn i mewn i’r siop Ladbrokes Bookmakers gyda’r hyn tebyg i wn llaw du. Fe hawliodd arian gan weithwraig oedd yn y siop yn gweithio ar ei phen ei hun.
Roedd y dyn yn gwisgo balaclafa, menyg, a thop lliw coch. Mae wedi’i ddisgrifio fel dyn Asiaidd, tua 5 troedfedd 5 modfedd o daldra, o gorffolaeth fechan. Mae’n siarad ag acen leol.
Fe adawodd y siop gyda thipyn o arian, cyn gwneud ei ffordd ar hyd ffordd gefn i gyfeiriad Havelock Place.
Dylai unrhyw un sy’n gwybod unrhyw beth am y digwyddiad gysylltu gyda Heddlu De Cymru ar y rhif 101, neu ffonio’n ddienw Taclo’r Tacle ar 0800 555 111.
