Gary Speed
Fe fydd ras 10k yn cael ei chynnal er cof am gyn-reolwr tîm pêl-droed Cymru, Gary Speed yng Nghlwb Pêl-droed Bae Colwyn ar Orffennaf 13.
Mae’n cael ei chynnal ar ddiwrnod rownd derfynol Cwpan y Byd ym Mrasil.
Mae’r trefnwyr wedi gofyn i bawb sy’n awyddus i redeg yn y ras i wisgo dillad pêl-droed neu grysau gydag enw Speed ar y cefn.
Bydd y ras yn dechrau ac yn gorffen yn y clwb pêl-droed, ac mae disgwyl i rieni Gary Speed, Roger a Carol ddechrau’r ras yn ffurfiol.
Mae’n costio £10 i redeg yn y ras, ac fe fydd gofyn i’r cystadleuwyr godi arian at achosion da er mwyn cymryd rhan.
Bu farw Gary Speed ar 27 Tachwedd, 2011 ac fe benderfynodd cwest i’w farwolaeth nad oedd modd dweud yn sicr sut y bu farw.
