Cau'r Vetch yn Abertawe
Mae Cyngor Abertawe wedi croesawu cynlluniau newydd i drawsffurfio hen safle cae pêl-droed y Vetch yn ardal a fydd yn cynnwys arddangosfa flodau a maes chwarae i blant.
Fel rhan o’r datblygiad, fe fydd tai lloches yn cael eu codi a fydd yn cynnwys cyfleusterau i’r gymuned gyfan.
Bydd y cynlluniau’n cael eu cyflwyno fel rhan o ymgynghoriad cyhoeddus maes o law.
Dywedodd Aelod Cabinet tros Adfywio’r Cyngor, Nick Bradley: “Mae hwn yn gynllun datblygiad sy’n anelu at greu awyrgylch cynaliadwy a chymunedol i gymuned glos Sandfields am genedlaethau i ddod.”
Ychwanegodd fod y cynllun newydd yn cyfuno hen syniadau gyda chynigion newydd.
Dywedodd y Cynghorydd Sybil Crouch, yr Aelod tros Gynaladwyedd: “Mae Cynllun Mawr newydd y Vetch yn gyfle rhagorol i greu un o’r cymunedau mwyaf cynaliadwy yn Abertawe.”
