Trafod cau Ysgol Llanbedr Dyffryn Clwyd

Mi fydd cynghorwyr yn trafod cynlluniau dadleuol i gau Ysgol  Llanbedr Dyffryn Clwyd ger Rhuthun heddiw.

Mae Cyngor Sir Ddinbych  yn  bwriadu  cau  Ysgol  Llanbedr  Dyffryn  Clwyd  ar 31  Awst  2014,  a  throsglwyddo  disgyblion i Ysgol Borthyn, Rhuthun.

Ym mis Tachwedd 2012 roedd 21 o blant yn yr ysgol a 56 o lefydd gweigion, ond mae dadleuon fod nifer y disgyblion yn codi.

Fframwaith  Polisi  Moderneiddio Addysg

Fe wnaeth Cabinet  y  Cyngor  fabwysiadu  Fframwaith  Polisi  Moderneiddio Addysg  ym mis Ionawr 2009 i ddarparu llwyfan ar gyfer adolygu darpariaeth bresennol ysgolion a moderneiddio addysg,

“ Mae CSDd yn ymroddedig i ddarparu addysg o’r radd flaenaf i holl blant a phobl ifanc y Sir,” meddai’r cyngor.

“Fel  rhan  o’r  ymrwymiad  hwn,  mae’r  cyngor  wedi  cytuno  bod  moderneiddio’r ddarpariaeth  addysg  yn  flaenoriaeth  gan  ein  bod  yn  cydnabod  pwysigrwydd  cael  adeiladau  ysgol,  amgylchfyd dysgu ac adnoddau sy’n diwallu anghenion Cymru’r 21ain ganrif.”