Mae’r heddlu’n ymchwilio i wrthdrawiad rhwng tacsi a cherddwr yn yr Eglwys Newydd yng Nghaerdydd.
Maen nhw’n apelio am wybodaeth i’r digwyddiad yn Nhŷ Newydd yn ystod oriau man bore dydd Sul, 23 Tachwedd.
Cafodd cerddwr 26 oed anafiadau i’w ben a’i wddf.
Mae dyn 33 oed wedi cael ei arestio ar amheuaeth o yrru’n beryglus ac wedi ei ryddhau ar fechnïaeth tra bod ymchwiliadau’n parhau.
Dylai unrhyw un a welodd y ddamwain neu sydd â gwybodaeth ffonio Heddlu’r De ar 101 neu Taclo’r Taclau’n ddienw ar 0800 555 111.
