Llandudno
Llandudno yw un o’r trefi sy’n cynnig y fargen orau am wythnos o wyliau, yn ôl arolwg gan wefan Trip Advisor.
O’i gymharu â gweddill Prydain, mae hi’n rhatach i deulu aros am wythnos mewn tŷ haf yn Llandudno, Conwy – 64% yn rhatach nag aros mewn gwesty.
Dangosodd yr arolwg fod rhentu tŷ haf yn Llandudno am wythnos, rhwng Tachwedd 2013 a Chwefror 2014, am gostio tua £358, o’i gymharu ag wythnos mewn gwesty 3* a fyddai’n costio £1,006.
Mae Caerdydd, Caerfaddon, Efrog a Chaeredin hefyd ymysg y llefydd rhataf i aros yng ngwledydd Prydain a Marbella yn Sbaen a Playa de las Americas yn Tenerife hefyd yn cyrraedd y brig.
