Mae Heddlu De Cymru’n apelio am wybodaeth i ddamwain angheuol ger Aberdulais fore Mercher.
Bu farw dyn 40 oed yn dilyn gwrthdrawiad ar ffordd yr A4109 rhwng Crynant ac Aberdulais am 8.25yb bore dydd Mercher.
Roedd y dyn, oedd yn byw’n lleol, yn gyrru beic modur Suzuki glas i gyfeiriad Aberdulais pan fu mewn gwrthdrawiad a thacsi a char Renault Clio glas oedd yn teithio i’r cyfeiriad arall.
Cafodd gyrrwr 50 oed y Renault Clio ei chludo i’r ysbyty gyda man anafiadau ac mae hi’n cynorthwyo’r heddlu gyda’u hymholiadau.
Ni chafodd unrhyw un yn y tacsi, Skoda gwyn, eu hanafu.
Mae’r heddlu’n apelio am dystion i’r gwrthdrawiad. Dylai unrhyw un sydd â gwybodaeth ffonio’r heddlu ar 101 neu Taclo’r Taclau ar 0800 555 111.
