Cyhoeddi enw’r milwr gafodd ei ladd yn Afghanistan

Is Gorporal James Brynin
Mae’r Weinyddiaeth Amddiffyn wedi cyhoeddi enw’r milwr gafodd ei ladd yn Afghanistan ddoe.

Roedd yr Is Gorporal James Brynin, 22, yn aelod o 14eg Gatrawd y Signalau sydd a’u gwersyll ym Mreudeth yn Sir Benfro.

Cafodd James Brynin, oedd  yn dod o Shoreham-by-Sea, yng Ngorllewin Sussex, ei saethu’n farw ddoe pan ymosodwyr ar ei batrôl yn ardal Kakaran, yn Lashkar Gah.

Er iddo gael triniaeth feddygol yn syth, bu farw o’i anafiadau yn y fan a’r lle, meddai’r Weinyddiaeth Amddiffyn.

Mae 445 o filwyr o’r DU wedi cael eu lladd yn Afghanistan ers mis Hydref 2001.