Gareth Bale
Mae Andre Villas-Boas wedi mynnu mai’r unig dro y mae Tottenham wedi cysylltu â Real Madrid oedd er mwyn dweud nad yw Gareth Bale ar werth.
Mae adroddiadau yn y wasg y bydd Real Madrid yn talu hyd at £105 miliwn am y chwaraewr o Gymru.
Ond dywedodd hyfforddwr Spurs ei fod yn paratoi ar gyfer y tymor sydd i ddod gan gymryd yn ganiataol y bydd Gareth Bale yn rhan o’i dîm.
“Does dim gwirionedd yn y sïon,” meddai ar ôl colli 5-2 yn erbyn Monaco neithiwr.
Beirniadodd hyfforddwr Real Madrid, Carlo Ancelotti, am awgrymu bod trafodaethau wedi digwydd.
“Rydym ni wedi cysylltu â nhw, a hynny er mwyn dweud mai ni sydd piau ein chwaraewr ac nad yw ar werth.”
