Cyhuddo dyn o lofruddio ei fam a’i chwaer

Mae dyn 23 oed wedi cael ei gyhuddo  o lofruddio ei fam a’i chwaer.

Cafwyd hyd i gyrff Kathryn Jenkin, 20 oed, o Aberdâr, a’i mam Alice McMeekin, 58, mewn tŷ teras yn Stryd Newton, Millom, Cumbria fore dydd Sadwrn.

Roedd y ddwy wedi cael anafiadau i’w pen a chafwyd hyd i gi’r teulu hefyd yn farw.

Cafodd John Jenkin, 23, ei arestio’n fuan wedyn ac mae wedi ei gyhuddo o lofruddio a chreulondeb tuag at anifail.

Mae Jenkin yn cael ei gadw yn y ddalfa a bydd yn mynd gerbron Llys Ynadon Furness yn ddiweddarach heddiw.