Yn gadael maes Murrayfield Dydd Sadwrn
Ni fydd capten Cymru Ryan Jones ar gael i chwarae yn erbyn Lloegr ddydd Sadwrn.
Cadarnhaodd hyfforddwr y blaenwyr Robin McBryde fod Ryan Jones heb wella o anaf i’w ysgwydd a gafodd yn erbyn yr Alban.
Aeth Jones oddi ar y cae ar ôl 48 munud ddydd Sadwrn, ond roedd Rob Howley wedi gobeithio y byddai’r blaenwr profiadol yn gwella erbyn y gêm fawr yn erbyn Lloegr.
Pwy fydd yn gapten?
Mae’r newyddion nawr yn codi cwestiwn am bwy fydd yn arwain Cymru ddydd Sadwrn.
Gall Sam Warburton gymryd y gapteniaeth unwaith eto, neu mae nifer o gyn-chwaraewyr wedi cynnig Alun Wyn Jones fel capten i leihau’r pwysau ar Warburton.
Bydd Rob Howley yn enwi ei dîm ddydd Iau.
