Ryan Jones, capten Cymru
Yr Alban: 12 13: Cymru
Mae Cymru ar y blaen o drwch blewyn ar hanner amser ym Murrayfield.
Cymru sydd wedi cael y mwyaf o’r meddiant o bell ffordd ond maen nhw wedi methu â manteisio ar hynny mewn gêm braidd yn anniben ar brydiau.
Mae’r gwynt sy’n chwyrlio o amgylch y stadiwm hefyd wedi gwneud pethau’n anodd i’r cicwyr. Mae Leigh Halfpenny wedi methu gyda thair cic gosb ond mae Greg Laidlaw wedi llwyddo gyda phob un o’i giciau yntau.
Ond mae’r Cymry wedi arddangos eu pŵer a tydi’r Albanwyr ddim i’w weld efo ateb i’r pŵer hynny.
Richard Hibbard wnaeth sgorio cais Cymru.
