Penderfyniadau “gwallgof” steddfodau’r Urdd

Mae beirniad canu a thiwtor llais wedi beirniadu penderfyniadau ‘gwallgof’ sy’n cael eu gwneud yn Eisteddfod yr Urdd.

Mewn llythyr at Golwg yr wythnos hon, dywed Trystan Lewis fod angen i’r Urdd “gyflwyno rhestr o feirniaid cymwys neu brofiadol, gosod ffi fesul cystadleuaeth, ynghyd â chostau teithio” er mwyn “sicrhau tegwch a safon”.

Dywed mai “diffyg profiad neu gymhwyster” sy’n gyfrifol am benderfyniadau “gwallgof” gan feirniaid yn Eisteddfodau Cylch a Sir yr Urdd.

Nid oedd Cyfarwyddwr yr Urdd, Aled Sion, eisiau ymateb i’r mater.

Darllenwch ragor yng nghylchgrawn Golwg yr wythnos hon.

10 sylw

Emlyn 1 Mawrth 2013, 11:18

Mae Trystan yn llygad ei le yma. Er fy mod yn hapus iawn gyda safon beirniadu Eisteddfod Genedlaethol yr Urdd, mae rhai o benderfyniadau eisteddfodau cylch a rhanbarth yn anfaddeuol o wallus.

Nid mater o blant yn cael cam sydd yma, er mae hyn yn digwydd, ond loteri perfformio lle mae talent gwirioneddol yn cael ei anwybyddu gan feirniad cwbl di-glem.

Dydy dewis 3 i’r llwyfan allan o 40 mewn rhagbrawf eisteddfod cylch fyth yn hawdd, nag ydy, ond cyfrifoldeb beirniad ydy gwneud gwerthusiad gonest o addewid y blynt, ac nid dethol ar fympwy. Ffars.

Emlyn 1 Mawrth 2013, 11:19

Wps … “addewid y plant” … (camsyniad beirniad, bid siŵr!)

Alun Davies 1 Mawrth 2013, 14:41

Amlwg bod Emlyn a Trystan wedi cael cam.

Meirionwr 1 Mawrth 2013, 17:54

Ac mae’n amlwg nad yw Alun Davies byth yn mynd i Steddfod Cylch.

alun davies 1 Mawrth 2013, 18:03

Ac mae’n amlwg nad yw Meirionwr yn adnabod Trystan Lewis.

Guto Goch 1 Mawrth 2013, 22:19

Oes ots, wir? Be ddigwyddodd i fwynhau a chael hwyl yn cymryd rhan?

Emlyn 1 Mawrth 2013, 22:41

Y trafferth, Mr Goch, ydy mae’r plantos yn tybied fod ystyr i’r canlyniadau – mae’r oedolion sy’n beirniadu i fod i wybod eu stwff.

Gwilym Dwyfor 2 Mawrth 2013, 12:44

Gwyn y gwel…

Elan G Muse 2 Mawrth 2013, 18:31

Dwi’n meddwl bodi’n bwysig bo genna ni feiriniaid gwael. Os fysa pob beirniad yn gneud y dewis cywir fysa ni’n methu deud wrth y plant “mi ges di gam, ti’n dda iawn go iawn”, mi fysa nhw yn gorfod wynebu y gwirionedd creulon ei bod nhw’n canu fel brain. A creulon fysa hynny yn te.

Lynwen Haf Roberts 13 Mawrth 2013, 13:00

Dwi wedi bod trwy’r system Eisteddfodol er pan yn 4 mlwydd oed, a bellach yn berfformwraig broffesiynol, 23 mlwydd oed. Yn ddiweddar, dwi wedi dechrau beirniadu mewn Eisteddfodau Cylch a Sir, a hoffwn feddwl, er fy mod i’n gymharol ifanc o’i gymharu a chynifer o feirniaid yr Urdd, fy ’mod i bellach yn ddigon cymwys i fod yn feirniad, a medraf ddefnyddio fy mhrofiad ill fel perfformwraig ac fel cyn gystadleuydd i helpu ieuenctid y dyfodol. Dwi weithiau yn cwestiynnu fy ngallu fel beirniad (cyw feirniad ydw i mewn gwirionedd), ond dwi’n credu ei bod hi’n braf weithiau i weld gwynebau newydd yn mentro i’r byd beirniadu. Pan o’n i’n tyfu i fyny, yr un hen wynebau a welwn tu ol i’r bwrdd beirniaid – pobl profiadol iawn, ni fedra i wadu, ond ambell un a’u ffefrynnau amlwg…a oedd weithiau’n mynd trwadd ar sail y ffaith eu bod nhw’n adnabod y beirniad.

Nid PROFIAD sydd ei angen, ond beirniaid DI-DUEDD.

Mae’r sylwadau wedi cau.

Penderfyniadau “gwallgof” steddfodau’r Urdd

Beirniaid Eisteddfodol o dan y lach

Poblogaidd

Swyddi

Arolygydd Eiddo – Siaradwr Cymraeg

Is-ddatblygwr Meddalwedd

Pennaeth Cwynion Gwasanaethau Cyhoeddus

Cynhyrchydd Cynnwys Digidol

Swyddog Ardal Wledig (Dyffryn Conwy)

Comisiynwyr/ Aelodau Bwrdd i Gomisiwn Dylunio Cymru

← Stori flaenorol

CYMBAC yn y COVID!

Stori nesaf →

Rhoi seintiau Cymru ar-lein

Hefyd →

Pryder am ddyfodol tref Llanbed yn sgil symud cyrsiau o’r brifysgol

10 sylw