Mae’r nifer uchaf erioed o barciau a mannau gwyrdd ledled Cymru wedi cyrraedd y safon uchaf er mwyn cael dynodiad Baner Werdd.
Ymysg y llefydd sydd wedi ennill Gwobr Y Faner Werdd am y tro cyntaf heddiw (dydd Mawrth, Gorffennaf 18), mae Parc Tredelerch yng Nghaerdydd a champysau Prifysgol Y Drindod Dewi Sant yng Nghaerfyrddin a Llanbedr Pont Steffan.
Mae’r elusen amgylcheddol Cadwch Gymru’n Daclus wedi cyhoeddi heddiw bod 280 o fannau wedi derbyn gwobr ryngwladol Y Faner Werdd neu Wobr Gymunedol y Faner Werdd, 37 ohonyn nhw am y tro cyntaf eleni.
Bellach yn ei thrydydd degawd, mae Gwobr Y Faner Werdd yn cydnabod parciau a mannau gwyrdd sy’n cael eu rheoli’n dda mewn ugain o wledydd ar draws y byd.
Gorsaf drên y Waun ger Croesoswallt yw’r orsaf gyntaf i ennill Gwobr Gymuned y Faner Werdd, ac mae’r rhestr yn cynnwys dau bwll cymunedol yng Nghasnewydd a gorsaf dân ym Mro Morgannwg hefyd.
Mannau gwyrdd newydd
Pen-y-bont ar Ogwr
- Gorsaf Dân ac Achub Bro Ogwr, Gwobr Gymunedol
Caerffili
- Rhandiroedd Van Ward, Gwobr Gymunedol
Caerdydd
- Parc Tredelerch, Gwobr Lawn
- Mynwent y Gorllewin, Gwobr Lawn
- Tyfu’n Dda Glan yr Afon, Gwobr Gymunedol
- Rhandiroedd Pafiliwn Pengam, Gwobr Gymunedol
- Gerddi’r Rheilffordd, Gwobr Gymunedol
- Gardd Bantri Llaneirwg, Gwobr Gymunedol
Sir Gaerfyrddin
- Parc Coetir Mynydd Mawr, Gwobr Lawn
- Prifysgol Cymru y Drindod Dewi Sant Campws Caerfyrddin, Gwobr Lawn
- Cae Chwarae Coffa Llanfallteg, Gwobr Gymunedol
Ceredigion
- Prifysgol Cymru y Drindod Dewi Sant Campws Llanbedr Pont Steffan, Gwobr Lawn
- Cymunedau MHA Aberystwyth – Hafan y Waun, Gwobr Gymunedol
- Maes y Pentref Silian, Gwobr Gymunedol
Sir Ddinbych
- Llys Erw, Gwobr Gymunedol
- Outside Lives, Gwobr Gymunedol
Merthyr Tudful
- Gardd Gymunedol Bythynnod Hafod, Gwobr Gymunedol
- Parc Penydarren, Gwobr Gymunedol
Sir Fynwy
- Dolydd Caerwent, Gwobr Gymunedol
Castell-nedd Port Talbot
- Perllan Gymunedol Cwmafan, Gwobr Gymunedol
Casnewydd
- Ardal Gymunedol Pwll y Pentref Trefesgob, Gwobr Gymunedol
- Pwll Llyswyry, Gwobr Gymunedol
Sir Benfro
- ‘Garden Through Time’ Tabernacl, Gwobr Gymunedol;
Powys
- Gardd Gymuned Arlais, Gwobr Gymunedol
Rhondda Cynon Taf
- Gardd Gymunedol Rhandir Brynna, Gwobr Gymunedol
- Gardd Gymunedol Efail Isaf, Gwobr Gymunedol
- Gardd Gymunedol a Choetir Stryd y Ddôl, Gwobr Gymunedol
- Canolfan yr Henoed Penrhiwceibr, Gwobr Gymunedol
Abertawe
- Ysbyty Mount Pleasant, Gwobr Lawn
- Meithrinfa Gymunedol Coeden Fach, Gwobr Gymunedol
- Cyfeillion Parc Coed Gwilym, Gwobr Gymunedol
- Parc Pontlliw, Gwobr Gymunedol
- Gardd Gymunedol Mynwent Llansamlet, Gwobr Gymunedol
Torfaen
- Parc Pwll Pysgod Panteg, Gwobr Gymunedol
- Gardd Gymunedol Clwb Rygbi Ger-yr-Efail, Gwobr Gymunedol
Bro Morgannwg
- Mynwent Penarth, Gwobr Lawn
- Eglwys Unedig y Barri – Gardd Gymunedol ‘The Bridge Between’, Gwobr Gymunedol
Wrecsam
- Gorsaf Y Waun, Gwobr Gymunedol
‘Hafan i gymunedau’
Dywed Lucy Prisk, cydlynydd Y Faner Werdd i Cadwch Gymru’n Daclus, fod mynediad am ddim i fannau gwyrdd diogel ac o safon uchel mor bwysig ag erioed.
“Mae ein safleoedd sydd wedi ennill gwobr yn allweddol i iechyd meddwl a chorfforol pobol, drwy gynnig hafan i gymunedau ddod at ei gilydd, ymlacio a mwynhau natur,” meddai.
“Mae’r newyddion bod 280 o barciau yng Nghymru wedi ennill gwobr Y Faner Werdd yn dangos gwaith caled cannoedd o staff a gwirfoddolwyr.
“Rydym wrth ein bodd ein bod yn gallu dathlu eu llwyddiant ar lefel fyd-eang.”
‘Rôl allweddol’
Ychwanega Julie James, y Gweinidog Newid Hinsawdd, ei bod hi’n wych gweld y nifer uchaf erioed o fannau gwyrdd yn llwyddo i gael statws Y Faner Werdd, gan gynnwys nifer o fannau sy’n derbyn y wobr am y tro cyntaf.
“Mae’r safon sydd ei hangen i ennill statws Y Faner Werdd yn uchel iawn ac felly hoffwn longyfarch pob un o’r mannau sydd wedi cael cydnabyddiaeth am gynnig cyfleusterau gwych drwy gydol y flwyddyn i bobl leol ac ymwelwyr,” meddai.
“Mae ein mannau gwyrdd yn chwarae rôl allweddol yn ein cysylltu â natur, yn cynorthwyo bioamrywiaeth a chynnig cyfleoedd hamdden iach.”
