LLYTHYR AGORED AT Y CYNGHORYDD HUW THOMAS, ARWEINYDD CYNGOR CAERDYDD
Maddeuwch i mi am gysylltu â chi fel hyn, ond fe ymddengys fod y Post Brenhinol wedi rhoi’r gorau i ddosbarthu llythyron i Gyngor Caerdydd.
Yn fuan ar ôl yr etholiad lleol diwethaf [ym mis Mai], cefais lythyr gan swyddog etholiadol yn dweud fod fy mhleidlais heb gael ei chyfrif oherwydd ryw fanylion anghywir ar fy ffurflen bleidleisio drwy’r post. Gyrrais lythyr yn syth bin gan ofyn am esboniad. Wrth i’r wythnosau o aros am ateb ddechrau troi’n fisoedd, gyrrais lythyr at y Prif Weithredwr gan ofyn iddo brocio cof y swyddog etholiadol. Cyn hir byddaf yn dechrau cyfri’r misoedd o aros cyn i hwnnw ateb.
Tybed, tybed, a fyddai modd i chi ddatgan felly beth oedd y broblem gyda fy ffurflen bleidleisio – cyn i’r nwyddau Nadoligaidd ddechrau cyrraedd y siopau, gobeithio!
Tim Saunders
Caerdydd
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
