Mae dyn wedi marw ar ôl cael ei hitio gan lori yn Abertawe, meddai Heddlu De Cymru.

Cafodd y gŵr 56 oed ei daro gan lori Scania yn fuan ar ôl 8yh ar Stryd Wellington, yn ôl datganiad gan yr heddlu.

Cafodd ei gludo i’r ysbyty gydag anafiadau difrifol, cyn marw’n ddiweddarach.

Mae ei deulu’n cael eu cefnogi gan swyddogion arbenigol, meddai’r heddlu.

Mae’r heddlu am i unrhyw un sydd â gwybodaeth i ffonio 101, gan ddyfynnu’r rhif digwyddiad 2000327581.