Mae Bro360 yn gynllun gan gwmni Golwg i greu rhwydwaith o wefannau bro. Mae’r tîm wedi cydweithio â chymunedau yn Arfon a Cheredigion i greu chwech o wefannau bro – y lle ar y we i’r lleisiau lleol. Dyma flas o’r fideos, blogs ac erthyglau sydd wedi’u cyhoeddi gan bobol am eu milltir sgwâr tros yr wythnos ddiwethaf…
***
Fideo pwerus am barchu ein gwlad annwyl
“Mae hen wlad fy nhadau yn annwyl i mi. Yndy, ‘de? Ardal mor hardd â hyn, ac mae pobol yn dal i poliwtio’r amgylchedd?”
Mae Adam yn treulio oriau’n glanhau sbwriel pobol eraill o’n ffyrdd yn Nyffryn Ogwen. Ar ôl cael llond bol, fe grëodd y fideo yma yn holi am help pawb sy’n meddwl y byd o’u gwlad…
Gwylio: Ogwen360.cymru
***
Colli gweinidog amryddawn
Ddydd Llun, torrodd stori ar Clonc360 a oedd yn sioc i bawb yn ardal Llanbed, sef bod y gweinidog Alun Wyn Dafis wedi marw yn 59 oed.
“Roedd yn uchel iawn ei barch gan yr aelodau yng nghapel Brondeifi. Cyflwynodd arddull gyfoes i’w wasanaethau a sefydlodd fand lle’r oedd ef yn canu’r allweddellau.”
Darllen mwy: Clonc360.cymru
***
Edrych nôl ar bedwar diwrnod rhyfeddol i Nantlle Vale
“Yn y dyddiau dyrys di-ffwtbol hyn, efo pawb yn gorfod bodloni ar weld gemau heb gefnogwyr neu hen gemau digon diflas o’r archif, beth am droi’r cloc yn ôl chwe deg mlynedd union, a chanolbwyntio ar un cyfnod o bedwar diwrnod hollol ryfeddol yn hanes Clwb y Vale!”
Ieu Parry a Begw Elain sy’n mynd â ni nôl i dymor 1959-60, pan orffennodd Clwb Pêl-droed Nantlle Vale y tymor â thair gêm anferth…
Darllen mwy: DyffrynNantlle360.cymru
***
Straeon bro poblogaidd yr wythnos
- Rhaid gwarchod enwau lleoedd gan Ieuan Wyn ar Ogwen360
- Dan gysgod mynydd Epynt gan Elin Mabbutt ar BroAber360
- Rheolwr Penparcau yn ennill gwobr y Gymdeithas Bêl-droed gan Mererid Boswell ar BroAber360
***
Papurau bro ar-lein
Yn ogystal â’r gwefannau bro, mae Bro360 yn cynnig lle i bapurau bro gyhoeddi ar-lein yn ystod y pandemig.
