Gwilym Dwyfor sy’n cael cip ar y clybiau Cymreig sy’n cystadlu yng nghynghreiriau Lloegr…
Er nad ydw i’n cefnogi un o’r pedwar clwb Cymreig sydd yn chwarae yn y gynghrair bêl-droed yn Lloegr, rydw i, fel sawl dilynwr pêl-droed Cymreig arall siŵr o fod, yn cadw rhyw hanner llygaid ar hynt a helynt Abertawe, Caerdydd, Wrecsam a Chasnewydd. A hithau bellach tua chwarter ffordd trwy’r tymor, mae’n teimlo fel adeg addas i asesu eu tymhorau hyd yma.
