Machynlleth yw’r lle i fod y penwythnos hwn os ydych chi’n caru canu gwerin.

Mi fydd Gwyneth Glyn, Gwilym Bowen Rhys, Lo-Fi Jones a Cerys Hafana yn perfformio yng Ngŵyl Y Pethau Bychain yn y dref farchnad yng ngogledd Powys.

Ac yn ogystal â’r cyfle i glywed hufen y sîn werin Gymraeg, bydd yr ŵyl hefyd yn cynnig gweithdai adrodd chwedlau, clocsio, canu gwerin, ac arddangosfa ryngweithiol newydd sydd wedi ei lleoli yn y Senedd-dy ac wedi ei chreu gan artistiaid lleol.