Troi Gwener Du yn Gwener Gwyrdd
Mae prosiect newydd ‘Petha’ yn annog pobol i droi Dydd Gwener Du (Black Friday) yn ddydd Gwener Gwyrdd drwy roi yn hytrach na phrynu.
Y bwriad yw sefydlu llyfrgelloedd y Petha yn Nyffryn Ogwen, Dyffryn Nantlle a Bro Ffestiniog.
“Mae’r syniad tu ôl i Lyfrgelloedd Petha yn syml – ma nhw‘ run peth â llyfrgell draddodiadol, ond yn hytrach na benthyg llyfrau, mae modd benthyg petha,” meddai Cydlynydd Petha, Catrin Wager ar Ogwen360.
“Drwy fenthyg a rhannu yn hytrach na phrynu, gellir arbed arian, arbed gofod yn eich cartrefi, lleihau gwastraff a lleihau eich ôl-troed carbon.”
Troi Gwener Du yn Gwener Gwyrdd
Consart o Ben Twthill
Mae Côr Dre yng Nghaernarfon newydd lansio fideo newydd o’r gân ‘Baba Yetu’ i nodi tymor cynta’r côr o ymarferion dan do ers gwanwyn 2020.
Ers i’r côr ailddechrau ymarfer dan do ym mis Medi 2021, mae dros hanner cant o aelodau wedi bod yn dod i’r ymarferion wythnosol llwyddiannus, yn cynnwys nifer helaeth o aelodau newydd.
Aeth y côr i leoliad eiconig copa Twthill i recordio’r fideo, gyda golygfeydd godidog dros dref Caernarfon yn gefndir i’r fideo. Ewch i Caernarfon360 i wylio’r perfformiad.
Canlyniadau Eisteddfod CFfI Cymru
Clwyd ddaeth i’r brig yn Eisteddfod Clybiau Ffermwyr Ifanc Cymru dros y penwythnos.
Er bod yr Eisteddfod ychydig yn wahanol eleni, gyda chyfyngiadau Covid yn golygu nad oedd cystadleuaeth côr i orffen y noson, roedd y cystadlu’n frwd. Un o’r uchafbwyntiau oedd cadeirio Ianto Jones o Glwb Felinfach a choroni Carwyn Jones o Glwb Rhosybol.
Bu cyn-aelod o’r mudiad, Nia Wyn Davies, yn cyhoeddi’r canlyniadau mewn blog byw o’r gynulleidfa, ac maent i’w gweld ar Clonc360.
Straeon bro poblogaidd yr wythnos
- Aberystwyth yn penodi Ysgrifennydd newydd y Brifysgol, ar Clonc360
- Cofio Maldwyn Rhafod, gan Mari Wyn Hughes ar DyffrynNantlle360
- Consart o ben Twthill, gan Osian Owen ar Caernarfon360
