Gyda dim pêl-droed byw i’w fwynhau, rydw i wedi bod yn ymchwilio i ffyrdd o gynyddu fy ymrwymiad gyda gemau ar y teledu. Dyna sut ddes i ar draws gêm ddigidol newydd, sef Sorare.
Mae llawer ohonom ni wedi casglu sticeri Panini, neu wedi chwarae FIFA Ultimate Team ar ein ffonau. Mae Sorare yn debyg i’r gemau yna gyda’r ychwanegiad o Fantasy Football. Mae rhywun yn prynu cardiau digidol chwaraewyr, ac wedyn yn creu tîm ar gyfer twrnameintiau.
