Logo cwmni Sean Holley
Bydd Sean Holley cyn hyfforddwr y Gweilch yn ymuno â thîm hyfforddi y Scarlets dros gyfnod pencampwriaeth y Chwe Gwlad.
Fe fydd yn cymryd lle cyn asgellwr Llanelli a Chymru Mark Jones wrth iddo yntau ymuno â thîm hyfforddi Cymru.
Ef fydd yn gyfrifol am hyfforddi’r olwyr, gyda Rob Howley’n cymryd lle Warren Gatland yn y brif swydd.
Ar ôl gorfod ymddeol o’r gêm oherwydd anaf, bu Jones yn rhan o dîm hyfforddi Bois y Sosban.
Gadawodd Holley’r Gweilch flwyddyn yn ôl ar ôl bod gyda’r rhanbarth o’r dechrau – ond y gred oedd ei fod wedi methu â rhoi’r math o lwyddiant i’r rhanbarth yr oedden nhw’n ei ddisgwyl.
