Caerfaddon 36–15 Dreigiau
Cafodd y Dreigiau gweir gan Gaerfaddon ar Y Rec brynhawn Sadwrn yn y Cwpan LV. Er i’r ymwelwyr o Gymru sgorio dau gais fe aeth y Saeson un yn well gan sgorio tri a chafwyd perfformiad cicio di lychwin gan y maswr cartref, Tom Heathcote, hefyd.
Sgoriodd y milwr o Fiji, Semesa Rokoduguni, ddau gais yn ei gêm gyntaf dros Gaerfaddon ac ychwanegodd ei gyd ganolwr, Matt Banahan, drydydd cais i’r tîm cartref.
Fe wnaeth yr asgellwr, Ross Wardle, a’r eilydd gefnwr, Dan Evans, sgorio ceisiau i’r Dreigiau ond y ciciwr cartref, Heathcote, oedd y prif wahaniaeth rhwng y ddau dîm. Llwyddodd yntau gyda thri throsiad a phum cic gosb wrth i Gaerfaddon ennill yn gyfforddus.
.
Caerfaddon
Ceisiau: Semesa Rokoduguni (2), Matt Banahan
Trosiadau: Tom Heathcote (3)
Ciciau Cosb: Tom Heathcote (5)
Dreigiau
Ceisiau: Ross Wardle, Dan Evans
Trosiad: Steffan Jones
Cic Gosb: Steffan Jones
