Heno yn Stadiwm y Liberty fe fydd y Gweilch yn herio Treviso yng Hghwpan Heineken Ewrop.
Mae rheolwr y Gweilch, Steve Tandy, wedi enwi tîm cryf gyda deuddeg chwaraewr rhyngwladol yn dechrau a thri ar y fainc.
Yn ôl y disgwyl, mae Justin Tipuric, Adam Jones a Richard Hibbard yn cael eu cynnwys ar ôl pryderon ffitrwydd.
Bydd Hibbard yn gwneud ei ymddangosiad rhif 150 ar gyfer y Gweilch.
Bydd Ryan Bevington yn dechrau yn safle’r prop yn lle Duncan Jones, gyda Johnathan Thomas yn dechrau yn safle’r wythwr.
Cred Gruff Rees, hyfforddwr cynorthwyol y Gweilch, bod angen pum buddugoliaeth er mwyn camu o’r grŵp i’r rowndiau terfynol.
‘‘Fe fydd yn her gorfforol i ni heno. Ond o ran y gystadleuaeth, yn syml, mae’n rhaid i ni berfformio’n dda yn y chwe gêm, bydd rhaid i ni fod ar ein gorau. Bydd angen y dorf tu ôl i ni,’’ meddai.
