Mike Phillips
Bydd Mike Phillips yn dychwelyd yn ôl i ymarfer heddiw gyda Bayonne, wedi i’r clwb Ffrengig benderfynu bod Phillips wedi derbyn y gwaharddiad am ymddygiad gwael.
Cafodd y mewnwr 30 oed ei wahardd fis diwethaf, yn ogystal â chael dirwy am yr hyn mae Bayonne yn ei ddisgrifio fel “ymddygiad annerbyniol” oddi ar y cae.
Mae’n annhebygol y bydd Phillips yn chwarae nos Wener yn erbyn tîm o’r Eidal, Mogliano yng nghwpan yr Amlin.
Ar 22 Hydref, fe fydd hyfforddwr dros dro Cymru, Robert Howley yn cyhoeddi ei garfan ar gyfer y gemau prawf, gyda Phillips yn rhan allweddol o’i gynlluniau i herio’r Ariannin, Samoa, Seland Newydd ac Awstralia.
