Mae’r Gweilch a’r Sgarlets wedi cael eu cynnwys mewn grwpiau anodd tu hwnt ar gyfer Cwpan Heineken y tymor nesaf.
Mae’r Gweilch yn rhannu grŵp gyda Teigrod Caerlyr a Toulouse, tra bod y Sgarlets yn wynebu’r pencampwyr presennol Leinster a’r tim gwydn o ganol Ffrainc, Clermont Auvergne.
Mae gan y Gleision grŵp ychydig yn haws, ond yn gorfod wynebu dau glwb o Ffrainc. Dyma’r chwech grŵp yn llawn ar gyfer Cwpan Heineken 2012-13:
1 Munster, Caeredin, Saracens, Racing Metro
2 Toulouse, Caerlyr, Gweilch, Benetton Treviso
3 Biarritz, Harlequins, Connacht, Zebre
4 Northampton, Ulster, Glasgow, Castres
5 Leinster, Clermont Auvergen, Sgarlets, Caerwysg (Exeter)
6 Gleision Caerdydd, Toulon, Sale, Montpellier
