Cafodd ei anfon o’r cae gan y dyfarnwr Frank Murphy ar ôl i’w droed daro pen yr asgellwr Teddy Thomas wrth iddo hawlio pêl uchel yn yr awyr.
Roedd disgyblaeth yn broblem i’r rhanbarth, wrth i Scott Williams ac Aled Davies gael eu hanfon i’r cell cosb yn ystod yr hanner cyntaf, wrth iddyn nhw fynd i lawr i 12 dyn am gyfnod.
Collon nhw’r gêm yng Nghwpan Heineken yn y pen draw o 40-19.
“Dw i ddim yn meddwl ei fod e’n fwriadol,” meddai Carl Hogg, hyfforddwr y blaenwyr, am y digwyddiad.
“Ond dw i’n meddwl, y dyddiau hyn, os ydych chi’n cyffwrdd y pen, mae’r chwaraewr yn mynd i fod mewn trwbwl.
“Yn amlwg, pan ydych chi’n cael cynifer o gardiau melyn a choch, mae disgyblaeth yn broblem.”
Cafodd ei sylwadau eu hategu gan Dan Lydiate, sy’n dweud bod diogelwch chwaraewyr “o’r pwys mwyaf”.
