Awstralia 11 – 9 De Affrica
Mae disgwyl i hyfforddwr tîm rygbi De Affrica Peter de Villiers roi’r gorau i’w swydd ar ôl i’r Springboks gael eu curo gan Awstralia yn ngem gogynderfynol Cwpan Rygbi’r Byd.
Mae De Villiers wedi awgrymu’n gryf mai dyma fydd diwedd ei yrfa gyda’r Springboks. Dywedodd mai dyma fydd diwedd y daith iddo ar ôl pedair blynedd yn y swydd.
Fe fydd Awstralia nawr yn wynebu Seland Newydd ar ôl iddyn nhw guro’r Ariannin o 33 i 10 bore ma. Ac fe fydd Cymru yn wynebu Ffrainc yn dilyn eu llwyddiant ysgubol yn erbyn Iwerddon ddoe.
