Cheetahs 38–13 Dreigiau
Mae tymor siomedig y Dreigiau yn y Guinness Pro14 yn parhau wedi iddynt golli’n drwm yn erbyn y Cheetahs yn Stadiwm Free State, Bloomfontein, nos Sadwrn.
Sgoriodd y tîm o Dde Affrica bump cais mewn buddugoliaeth bwynt bonws gyfforddus.
Cic gosb yr un gan Tiaan Schoeman a Josh Lewis a oedd unig bwyntiau’r 39 munud cyntaf ond roedd y tîm cartref ar y blaen ar yr egwyl diolch i gais Henco Venter.
Tarodd y Dreigiau’n ôl gyda sgôr Taine Basham yn gynnar yn yr ail gyfnod ac roedd yr ymwelwyr o Gymru ar y blaen 10-13, gyda dim ond chwarter y gêm yn weddill.
Ond gorffennodd y Cheetahs yn gryf gan groesi am bedwar cais arall yn yr ugain munud olaf, un yr un i Shaun Venter, Schoeman, Louis Fouche a Sibhale Maxwane.
Mae’r canlyiad yn cadw’r Dreigiau ar waelod adran B y Pro14 gydag un gêm yn weddill, yn erbyn y Scarlets ymhen pythefnos.
.
Cheetahs
Ceisiau: Henco Venter 40’, Shaun Venter 63’, Tiaan Schoeman 74’, Louis Fouche 78’, Sibhale Maxwane 80’
Trosiadau: Tiaan Schoeman 40’, 64’, 75’, 79’, 80’
Cic Gosb: Tiaan Schoeman 5’
Cerdyn Melyn: Johannes Coetzee 58’
.
Dreigiau
Cais: Taine Basham 44’,
Trosiad: Josh Lewis 45’
Ciciau Cosb: Josh Lewis 30’, 59’
