Shane Williams - ei bencampwriaeth ar ben
Mae gyrfa un o’r chwaraewyr gorau erioed ym mhencampwriaeth y Chwe Gwlad wedi dod i ben wrth i Shane Williams orfod tynnu’n ôl o garfan Cymru ar gyfer y gêm yn Ffrainc.
Fe fydd yr asgellwr 34 oed ar gael ar gyfer Cwpan y Byd ond mae wedi dweud y bydd yn ymddeol o’r maes rhyngwladol ar ôl hynny.
Yn erbyn Ffrainc y cafodd ei gap cynta’, wrth ddod ar y maes yn eilydd 11 mlynedd yn ôl ac yn erbyn Ffrainc yn 2008 y daeth yn brif sgoriwr cesiau rhyngwladol i Gymru.
Mae wedi gorfod tynnu’n ôl o’r gêm ddydd Sadwrn oherwydd anaf i’w ben-glin ond dyw hi ddim yn glir pwy fydd yn cymryd ei le.
Fe fydd y tîm yn cael ei gyhoeddi ddydd Iau.
