Mae’r bachwr Bradley Roberts wedi cyhoeddi ei fod yn ymddeol o rygbi.

Enillodd y chwaraewr 29 oed bum cap dros Gymru, gan chwarae 27 o weithiau i ranbarth y Dreigiau dros ddau dymor a sgorio saith cais.

Chwaraeodd ei gêm olaf ym mis Ionawr, ac yn dilyn anaf i’w gefn mae e wedi penderfynu dychwelyd i Dde Affrica.

Dywed iddo gael gyrfa “fer ond melys”, a’i fod yn llawn “balchder”, ac mae wedi diolch i’r rhanbarth a’r cefnogwyr.

https://x.com/WelshRugbyUnion/status/1821517789250683109

Gyrfa

Cafodd Bradley Roberts ei eni yn Durban yn Ne Affrica, ond symudodd i Gymru at y Dreigiau yn 2022.

Cyn hynny, bu’n chwarae i Ulster yng Ngogledd Iwerddon a Rygbi Gogledd Cymru.

Daeth ei gap rhyngwladol cyntaf yn erbyn ei famwlad yng ngemau’r hydref yn 2021.

Mae Dai Flanagan, prif hyfforddwr y Dreigiau, wedi dymuno’n dda iddo ar gyfer y dyfodol.